- 16 -
1421 (17. września) Austerr
Litewski książę Zygmunt Korybutowicz, bratanek króla Władysława II. Jagiełły, napomina księcia Jana II. Żelaznego, pana na Raciborzu, w sprawie uwolnienia aresztowanych husyckich posłów etc.
— Servitiis cum affectu omnis boni predirectis. Illustris dux amice dilecte, audio, quomodo vos aliquo sinistro et improviso consilio ducti nobiles et strennuos ambasiatores serenissimi principis regis Polonie et illustrissimi principis magni ducis Lithwanie, RatiborieRacibórz in vestra civitate in ipsorum dampnum et confusionem admisistis et premisistis vestris subditis, procuratori et civibus captivari, quod factum et improvisionem vestram pio doleo ex affectu, nam exinde et per hoc aliud non restat, nisi vestra destructio et finalis eversio et predictorum dominorum regis et ducis magni gravissime indignationis incursio, quare vobis consulo, quatenus adhuc quia potestis hoc ipsum prudenter mox et celeriter reformetis ipsosque liberos, prout et amplius gravibus dampnis perceptis facere dedebitis, dimittatis occasionibus quibuslibet nam invalidis pretermissis, hoc facturi, si et in quantum desideratis, magnum malum et gravissimum dampnum et periculum effugere et circa favorem predictorum dominorum regis et magni ducis conservari. Nam predicti domini in nullum eventum volunt Boemos deserere, sed ipsis tamquam liguagio proprio et subditis suis volunt quodlibet cooperari. Pensare namque debetis honorem vestram, quo perdito neque deus neque homines poterunt vobis refundere eundem, salubiri consilio usi, consulo, eosdem liberos dimittatis.
Datum in Austerr, feria quarta in quatuor temporibus. Anno etc. xxj°.
Sigismundus filius fratris regis Polonie.